cannibales auec ceux qui vous tiennent le menton,
se seruant de vous finement comme de
marottes pour vous donner le sault quand ils
auront estably leurs affaires : ils sont trop cognus
par tout, il n’est besoing de les qualifier
autrement, ne voulans recognoistre personne
plus braue qu’eux, & ne receuoir comparaison
que d’eux mesme, tant ils sont impudents :
Venise & autres lieux : ayans cogneu leurs ruses
& hypocrisie, ne veulent plus oüyr leurs comedies
de peur qu’elles ne se changent en tristes
Tragedies. L’emblesme du feu est plein de
grande signification, qui dit, nec prope, nec
longe, ny trop pres, ny trop loing, celuy qui se
veut chaufer commodement, ne doit s’approcher
trop pres du feu : car il se brusleroit, si trop
loing, il ne se chaufera point, de mesmes en est
il du Roy : il s’en faut aprocher auec modestie,
crainte, honneur, & reuerence, tousiours preste
de receuoir ses commandemens & les executer
fidellement.

Le flatteur deceuant & dissimulé est la mortelle
peste des Roys & Princes, car il faict perdre
le iuste & l’innocent, voila pourquoy le
sage Philosophe Antithenes disoit tres-bien
qu’il estoit beaucoup meilleur de tomber entre