point d’autres lumieres que la sienne, qui n’en
different entr’elles que par la diuersité de leurs
obiects, elle est aussi bien necessaire dans la guerre
que dans la Paix, & les Generaux d’armée se
rendent bien plus considerables par la prudence
que par la valeur : C’est en quoy nos Illustres
Testes du Parlement, qui sont à present autant
de Generaux d’armée, excellent eminament, en
ce que dans la Paix ayans fait paroistre la force de
leur Iugement, par les Arrests qu’ils ont rendu ils
tesmoignerent depuis sept semaines par leurs
actions, qu’ils n’entendent pas moins le mestier de
la Guerre que celuy de la Chicane, qu’on leur a
imputé faussement, apprenans à tout le monde
que les gens de Robe sçauent aussi prudamment
conduire les armées, que ceux qui se vantent d’auoir
vieilly sous le harnoix.

De faire icy le recit de toutes les actions, où
l’on pourroit reconnoistre cette verité, ce seroit
trop entreprendre, il me suffit de faire voir la difference
de leur conduite à celle de nos aduersaires,
& faire obseruer en passant que l’esprit de
Dieu semble les auoir abandonnez, pour les empescher
de connoistre les fautes qu’ils commettent
tous les iours.

Vne des plus signalée, à mon sentiment, est
celle de l’enuoy de ces Herauts, desquels on n’a