de faire paroistre l’une & l’autre dans
une occasion si pressante, & chacun s’est
rendu digne du haut employ qu’il avoit
pris pour le service du plus grand Roy de la
terre : tous luy ont offert un sujet de triomphe :
mais il faut avoüer qu’un seul la fait
triompher de tout ce qui pouvoit s’opposer
à sa puissance. Celuy la s’est rendu le
plus judicieux Politique de nostre siécle, &
le plus courageux Guerrier du monde : Le
peuple qu’il a rangé en son devoir a reconnu
qu’il estoit le plus ferme appuy de l’authorité
Royale, & Messieurs du Parlement
qui ont admiré sa sage conduitte au maniment
de l’Estat, se sont treuvez trop satisfaits
de sa justice dans leurs pretentions.

L’accord qui avoit precedé ces dissensions
publiques n’avoit pas esté assez puissant
pour les arrester : la défiance qui est tousjours
legitime dans le gouvernement d’vn
Estat, avoit donné de nouuelles inuentions
d éprouver la fidelité de ses Conseillers,
& la necessité des temps avoit fait naistre
des difficultez dans l’exécution de quelques
Articles : il ne s’en falut guere que le zele
ne passast jusqu’à l’imprudence pour combattre