à leur rage. Et que si la France auec raison
se pouuoit plaindre de la sorte à la venuë du
Cardinal Mazarin, preuenant par sa crainte le
mal qui luy est arriué depuis ; que doit-elle faire
à present qu’elle n’a que trop esprouué les
souffrances que sa crainte luy prejugeoit.

SIRE, ayez donc pitié d’elle, elle vous tend
les bras, soyez son Defenseur : car vous le deuez
estre, & si vne fois vous venez à considerer
sensiblement & auec douleur, l’oppression de
vostre pauure peuple, vous ne voudriez iamais
souffrir que Mazarin remist le pied en France.

C’est ce que ie vous supplie de faire, SIRE,
c’est le plus grand bien que puisse iamais receuoir
vostre Royaume : & que si vous pouuez
reconnoistre combien le perfide Cardinal Mazarin
a esté dangereux à Vous & à vostre Estat,
qu’il a mis dans vn peril éminent, vous souhaitteriez
ne l’auoir iamais veu, & ne voudriez plus
l’auoir dans la pensée, mesme le souuenir vous
en sera odieux ; & puis qu’on dit ordinairemẽt
qu’il vaut mieux tard que iamais, quand il est
question de quelque action bonne, & quoy que
tout soit presque perdu en France, vous pouuez
si vous voulez sauuer encore le peu qui reste :
mais il en est temps, car tout est prest d’acheuer