& à la confusion de ceux qui font écrire contre
luy, il ne s’en trouue pas vn qui ferme la bouche
à la Calomnie, en faisant voir tout a la fou les
méprises malicieuses qu’elle produit, & les illustres
veritez qu’elle déguise ? Monsieur, répondit tres-obligeamment
le Gentilhomme, vous estés trop
genereux de prendre de si bonne sorte le party de
la Vertu abandonnée contre le crime suiuy. Mais
de grace, ayez la bonté de croire que les Lorrains
ne sont deuenus, ni foibles, voyans leur Prince
à la teste d’vne belle & bonne Armée ; ni lâches,
parce qu’il n’en fut iamais d’autres que les Renegats ;
ni bestes, puis qu’ils ont beaucoup de raison
de se taire, aprés ceux qui ont parlé. Comment
cela ? repliqua ce iuste Estimateur des choses.
Monsieur, poursuiuit le Gentil homme,
vous sçaurez qu’a l’Hostel de Chevreuse il y a vis
Corbeau que l’on appelle COLA, du nom de
celuy qui l’a éleué, & qui l’apporta de la part
de mon Maistre à cette grande Princesse qui a merité
le nom de Prodige d’esprit & de vertu. Cét
animal, comme vn debiteur de mensonges mal digerez
crioit à pleine teste dans la ruë S. Thomas,
La Trahison du Duc Charles, & le reste, courut
auec vne ardeur extraordinaire à la porte de l’Hostel,

Page précédent(e)

Page suivant(e)