cela soit ainsi, il faut qu’ils aillent chercher &
viure dans vn pays où il n’y ait point de Roys,
& où ils doiuent tascher de se rendre Souuerains
eux mesmes. Quand Dieu a dit que le Roy estoit
ordonné pour rendre la iustice à tous ses subjets,
est-ce que Dieu n’entendoit pas qu’ils fussent
du nombre ? Quand Dieu a dit qu’il se falloit
donner garde de son indignation, est ce qu’il en
a exempré les Ecclesiastiques ? Quand il a dit
qu’il falloit prier pour luy, qu’il le falloit honorer
& qu’il luy falloit ester subjet, est-ce qu’il vouloit
que les Prestres luy fussent desobeïssans, &
qu’ils eussent les oreilles bouchées à ses ordres ?
Ie voudrois bien sçauoir à qui est-ce que S. Paul
addresse ses paroles, quand il dit, soyez édifiez :
pour maison spirituelle & sainte sacrificature,
pour offrir sacrifices spirituels : vous estes la generation
esleuë, la sacrificature Royale, la gent
sainte, le peuple acquis, afin que vous annonciez
les vertus de celuy qui vous a appellez : soyez
donc subiets à toute creature humaine, pour l’amour
de Dieu, soit au Roy comme au Superieur,
soit aux Gouuerneurs comme à ceux qui sont
enuoyez de par luy à la vengeance des mal-faicteurs,
& à la loüange de ceux qui font bien. Admone
illos principibus, & potestatibus subditos esse,
dicto obedire, dit S. Paul écriuant à Tite : mais se
peut-il voir quelque chose de plus pressant sur
ces matieres là que ce qu’il escrit aux Romains

Page précédent(e)

Page suivant(e)