nous voyons que le Royaume de Couchin, aux Indes
Orientales, est deuenu femelle en France par metamorphose
coyonnesque tant on se plaist à la nouueauté,
& à voir des Auortons morguer les plus hupéts
de cest Estat.

L’Asne du Commun, dit le prouerbe, est tousiours
mal basté, chacun se repose sur la vigilance de son voisin,
pour racoutrer son bas : C est ce que representoit
vne Menuisiere à son Mary, la chalandise duquel estoit
fort enuiée, Mon amy, luy disoit-elle, ne redoutez
nullement la caiollerie des François, ils ne vous feront
nul desplaisir, ils s’atenderont tous les vns aux autres
pour le faire.

Ainsi le Roy & le public est seruy, ainsi le mal se
glisse. I’ay erainte que nostre infortune ne ressemble
celuy des Ponts & digues mal entretenus, où l’on
remarque tantost la cheute d’vne pierre, tantost vne
liaison s’entrouurir, tantost vne arche se dementir, les
passans disent bien ces digues se ruinent ? cependant
l’on neglige d’y trauailler, puis vne nuict ameine vn
rauage d’eau ou desgorgement de Mere qui emporte
tout & submerge le païs. C’est ce qu’il nous faut aprehender,
les menaces de la ruine de l’Estat sont apparentes,
il est aysé d’y remedier en mettant l’interest
particulier sous le pied, si nous le faisons la Digue
creuera, & nous trouuerons inondez dans le deluge
general. N’est ce pas chose déplorable, il n’y a que
quatre ans que ceste Couronne estoit florissante, redoutee,
pleine de grans thresors : paisible : auiourd’huy