ce Prince Bourdelois, qui doit porter le nom
du Duc d’Albret.

Les maladies continuelles ont depeuplé
quantité de pays de la Gascogne ; où le pain
mesme est rare en beaucoup d’endroits, tant
la disette est y grande ; de laquelle cette Ville
se ressent aussi, trouuant à dire son abondance
ordinaire, & acheptant tout beaucoup
plus cher qu’on n’auoit icy accoustumé. Les
bleds que nous attendons de Bretagne, &
d’autres endroits par mer, nous font esperer
que la cherté du pain y diminuëra.

Monsieur le Prince de Conty, qui est à present
malade, le Duc de Guise, & le Comte
de Maure, grand Senêchal de Guienne, ont
souuent assisté aux Assemblées de l’Ormée,
qui se font dans nostre Hostel de Ville, la
consideration de ce lieu, la liberté des suffrages,
& la presence de ces deux Princes,
qui prennent auec nos Bourgeois plusieurs
resolutions pour le bien de cette Ville, doiuent
faire changer d’opinion à tous ceux du
Royaume, qui se sont laissez persuader que
cette Assemblée n’estoit qu’vn tumulte, &
vne faction de populace. Elle est proprement