(ne pouuant croire qu’vne terreur [1 mot ill.] peut
saisir cette grande Ame) apprennent à mieux iuger des
actions d’vn Prince, dont les lumieres surpassent autant
celles des plus sages, que sa valeur estonne les plus hardis.
On a crû iusques icy, que le retour du Mazarin
n’estoit qu’vn pretexte specieux pour prendre les armes
pour s’y opposer : Mais l’insolence de ce banny iustifie
que trop cette iuste défiance ; & à la fin, il se trouuera
que si Dieu ne nous deliure bien-tost de cét homme fatal,
que la France se verra en vn estat aussi pitoyable,
que celuy de la Grece, lors qu’elle se vit embrasée par
Paris & par Menelas, pour le sujet d’vne femme. C’est
bien plus bonteux à la France, que pour vn estranger
effeminé, elle se voye déchirée par ses propres Enfans.
Certes, il est bien plus iuste & plus raisonnable, que
tous les bons François se joignent ensemble pour aller
estouffer ce Monstre, & pour executer vn Arrest le plus
authentique & le plus equitable qui ait esté rendu par
nos souuerains Prestres de Themis. Quoy vn homme
aura esté banny de la France, comme perturbateur du
repos public, & il se trouuera apres des François qui
l’iront accueillir à son retour ? Non, ce ne peuuent estre
de vrays François, mais des poultrons pensionnaires
de l’auarice & de l’ambition. Quoy, Mazarin aura
l’effronterie de contreuenir à tant d’Arrests, & à la Declaration
du Roy, & on ne l’ira pas accabler ? Il est à
nos Frontieres, & nous le souffrons ? Il a mis le pied en
France, & nous l’endurons ? Quoy ! qu’attendons-nous ?

Page précédent(e)

Page suivant(e)