Le Card. Mazarin sans replique prit congé
du Duc de Lorraine & poursuiuy son chemin
vers Sedan, pour delà se retirer à Boüillon
bien tost, qui appartient au Prince de Liege.

Auant que partir de la Cour, & par les
Conseils le Prince Thomas fut fait Ministre
d’Estat, & eut l’Office de Grand Escuyer de
France par le Comte de Harcourt qui ne deuoit
pas luy estre osté : car estant vn des premiere
Officiers de la Courronne, cõme ceux
de Connestable & Colonel General de l’Infanterie
de France, de grand Chambelan, &
grand Maistre de l’Artillerie, de grand Fauconnier,
de Mareschal de France, de grand
Maistre dés Eaux & Forests de Chancelerie,
de grand Aumosnier, de grand Preuost de
l’Hostel, de grand Eschançon, de grand Veneur,
de grand Maistre des Ceremonies, dont
ceux qui en sont pourueus n’en peuuent estre
dépossedez qu’en leur faisant perdre la teste.
Neantmoins sans auoir esgard à cela, le
Comte de Harcourt a esté dépossedé de sa
Charge de grand Escuyer, sans auoir voulu
ny receuoir son fils aisné à sa suruiuunce.

En mesme temps d’Igby Anglois, fut aussi
mis à la Charge de la Capitainerie du Chasteau