la Iustice, considere si tu l’as suiuie, car auec
elle tu ne periras point, ie t’asseure.

XV.

Le Scorpion est veritablement effroyable, tant
pour sa figure, que pour le venin qu’il porte ; mais
ne te vas point frotter à sa queuë, & tu pourras facilement
euiter sa picqueure, tournes-toy tousiours
vers la teste, ie veux dire soustiens la cause de ton
Souuerain, & tasche à le tirer de la tyrannie de ceux
qui l’oppressent, & tu n’auras rien à craindre.

XVI.

Le Sagittaire est content de te prester sa flesche &
son arc, pour t’en seruir contre ceux qui te voudront
assaillir, pourueu que tu l’employes contre des sangsuës,
& que tu vueilles soustenir la liberté du peuple
François. Tu entens assez bien ce que ie veux te
dire par là.

XVII.

Le Capricorne, ou le bouc cornu se deffend fort
bien de la teste, & ie vois que tu le peux auoir quelquefois
veu battre à la presence d’vn troupeau de
cheures, ne doute point qu’il ne te deffende ; car encore
qu’il iette de son corps vne odeur puante, les
partisans neantmoins le surpassent en cette nature,
& il hait tellement leur haleine, qu’au lieu de demeurer
sur leur bouche, il monte bien souuent sur leur
front, bien que leurs femmes d’ordinaire ne le confessent
qu’à leur grand regret.

XVIII.

Ce deluge d’eau qui sort d’vne cruche, & qui semble
s’espancher par tout, n’ondoye pas neantmoins
tous les endroits de la terre, il se reserue pour submerger
les traistres à leur pays & à leur Seigneur, tels
que sont ceux qui abusent de la minorité d’vn Prince,
comme fait vn Estranger dans la France, qui se