deuë à cét Estranger, qui pour soustenir l’authorité
injuste de son ministere, a mis en compromis
la puissance legitime de son Maistre, que
parmy les Cabales qui se renouuellent, la plus
dangereuse est celle qu’il forme, puis qu’elle est
contre la vie & contre la liberté de tous les Gens
de bien, & qu’elle n’a pour but que l’aneantissemẽt
de tous les Parlemens. Les motifs dont on se
sert sont specieux en apparẽce : l’on ne parle que
du restablissement de l’authorité Royale ; mais
en effet on ne vise qu’au retour du Mazarin, comme
si sa grandeur estoit la fortune de tout l’Estat :
Les moyens que l’on employe pour cette fin sont
connus ; les recompenses & les Benefices dont
ce Cardinal dispose, les Tiltres de Conseiller
d’Estat, donnez & promis à tous ceux qui veulent
engager leur honneur & leur liberté, jusques là
que l’on avilit ce Caractere autrefois honorable
en le communicant à des personnes pour lesquelles
si les Loix estoient en vigueur, elles n’auroient
que de la colere & des chastimens.

Ce sont les Autheurs de cette conduite qui
doiuent estre considerez comme des victimes
destinées tost ou tard à la vengeance publique,
qui ne sera jamais si severe qu’ils l’ont merité, &
laquelle mesme il est difficile de se promettre
ceux qui la pourroient procurer, pensant dauantage