Finira ses peruers projets,
Ce sont les vœux des bons Subjets,
Et seruiteurs de la Couronne,
Et nous esperons que Bellonne,
Tiendra tousiours nostre party,
Ce Poëte n’a point menty,
Quand il dit que de ces deux testes,
Comme de deux méchantes bestes,
Tout malheur arriue aux François,
Et moy dauantage ie crois,
Qu’à leur mode & leur exemple,
Qu’auiourd’huy le peuple contemple,
La Vertu se void en mespris,
Mesme chez les plus grands esprits.
Tel estoit d’vne humeur sincere,
Doux, amiable, & sans colere,
Qu’il a du fiel dans son poulmon,
Plus que n’en a pas vn demon.
Il ne parle que du carnage,
Et ne se plaist que dans la rage,
Les Dames qui n’auoient dessein,
De loger iamais dans leur sein,

Page précédent(e)

Page suivant(e)