fust en personne au combat, bien moins d’estre Roy, s’il
ne gouuernoit luy mesme son Royaume ; Ne permettez
pas qu’vn autre l’occupe, empiete sur vostre authorité,
regne pour vous, & diminuë vostre pouuoir en le partageant :
Encore si c’estoit quelque grand homme, dont la
valeur fut à redouter, dont la conduite fut à craindre, &
dont les belles qualitez fussent aymables : Mais au contraire,
ce n’est qu’vn auaritieux, vous le sçauez, son esprit
n’est gonflé que du vent d’ambition, & ses fourberies ont
plus abbatu de maisons de familles, & d’illustres personnes,
que ses promesses n’en auoient éleuez. Combien de
fois auoit il promis à V. Majesté d’arborer les oliuiers de la
Paix dans la France, ne s’estoit il pas venté d’y faire triompher
le bon ordre & la tranquillité, ne voyons nous pas le
contraire, au lieu de tous les plaisirs, & les delices qui deuoient
accompagner son ministere, nous n’entendons
que pleurs, que gemissemens, & au lieu d’apporter la corne
d’abondance, il n’a que celle d’vn paon & d’vn satyre,
& lors qu’elle deuroit seruir pour nostre entretien, elle ne
sert qu’à nous d’estruire, & à nous persecuter.

Fourberice.

De qu’elles fourbes ne s’est il pas seruy enuers Monsieur
le Prince de Condé, apres luy auoir promis de faire
reconnoistre à vostre Majesté les bons seruices qu’il luy
auoit rendus aux guerres, & au siege de Paris, il luy a fait
mettre la main sur le colet, comme l’on feroit à vn scelerat,
ou à quelque criminel de leze Majesté. Il ne s’est pas
contenté de le prendre, & de luy faire cette affront, il la
fait conduire au Bois de Vincennes, & ainsi abusant de
vostre authorité Royale, il a osté le bras droit à la France,
il a priué vostre Thrône de son appuy, & il a perdu le
plus illustre fleuron de vostre Couronne afin de l’vsurper
auec moins d’éclat : Il faut passer outre, & son esprit pas
moins préoccupé d’ingratitude de s’asseurer d’vne personne