ne foule aux pieds, & point de Royaume qui soit exempt
de sa tyrannie & de son vsurpation. L’on peut mettre vn
frein à toutes les autres passions, mais à l’ambition, il n’y a
point de bride qui puisse l’arrester, il n’y a point de borne
qui puisse terminer son cours, & lors que vous la croyez
esteinte, elle se rallume & brusle plus que iamais : c’est vn
feu qui s’enseuelit & se cache sous les cendres, mais qui n’y
meurt pas, & il est d’autant plus à craindre, qu’il est couuert,
& qu’on ne le voit point. Il faut que le sujet perisse
pour effacer cette qualité dangereuse, & la mort seule peut
mettre le mot à l’insolence de cette aueugle ? Qu’elles
cruautez n’a-elle point mis en vsage dans vostre Royaume,
n’a-elle pas ruiné vos Prouinces, n’a-elle pas teint du
sang de vos Sujets les Campagnes, n’a elle pas fait de tout
vostre Royaume vn Theatre, où elle represente les Tragedies,
& n’a elle pas pris la teste du Card. Mazarin pour
la Salle où elle exerce & repete les pieces qu’elle doit joüer
à la veuë & au dommage de tous les François.

Deuise
d’un Ambitieux.

Le Card. Mazarin a raison de projecter tels desseins ;
c’est vne belle charge que celle de Roy, elle merite bien
d’estre briguée, & ce n’est pas vn petit honneur de commander
dans vn Royaume si florissant, comme peut estre
celuy de France, il vaut bien la peine qu’on pourroit prendre
pour l’acquerir, & nous voyons qu’il n’a pas perdu
son temps depuis qu’il est en France, d’auoir desja obtenu
que rien ne s’agisse dans cét Estat, qu’il ne soit auparauant
authorisé de son nom. Il est à craindre, SIRE, qu’il n’imite
cét excellent peintre Apelles, lequel tirant le tableau
de la belle Compaspé, & à force de considerer ses attraits
& les charmes de ses yeux, en deuint si passionnément
amoureux, qu’il ne peut si bien cacher son amour, qu’Alexandre
ne découurit sa passion par l’esclat de sa flamme,
alors ce genereux Prince la luy donna, quoy qu’il la cherit