autheur fait merueille sur ce sujet, il
dit que le sceptre du Dieu Iupiter n’est soustenu
que par le conseil de la Deesse Pallas, &
que dans Corinthe ville tres-grande & tres-renommée :
On y voyoit autrefois vne statuë
du mesme Iupiter qui appuyoit sa Couronne
sur la teste de Pallas, voulant signifier par-là,
que la conseruation de son Empire dependoit
de sa conduite & de son iugement,
& qu’vn Monarque pour puissant qui pût
estre, estoit tousiours neantmoins foible, &
dans le panchant de son precipice, s’il n’estoit
fauorisé de l’assistance de la Sagesse &
des lumieres de ses preceptes. Si donc les
plus puissans Princes du Monde n’auroiẽt iamais
esté ce qu’ils sont à present, sans la Sagesse
qui les a fait regner. Ne pouuons-nous
pas dire, & n’est-il pas vray que la mesme Sagesse
est victorieuse des Rois, puis qu’elle est
le principe, la cause & le mouuemẽt de leurs
victoires obtenuës. En effet, qui a donné la
connoissance des loix, par le moyen desquelles
les plus florissantes Monarchies se sont
maintenuës si long-temps dans l’esclat &
dans la splendeur d’vne grandeur immense,
& d’vne authorité absoluë, sinon ceux qui en

Page précédent(e)

Page suivant(e)