Politique n’est-elle point bonne ? ouy, me diras-tu ;
mais il ne falloit donc point attaquer ouuertement
ny l’vn ny l’autre, ou du moins il ne falloit iamais
les attaquer l’vn sans l’autre, pour pouuoir
aspirer à l’honneur d’estre l’arbitre des deux ; pendant
qu’il ne se declareroit pour eux qu’auec indifference :

Ta reflection n’est pas mauuaise. Mais enfin, resous
moy : le Parlement n’a-t’il plustost esté Mazarin
que Prince, ou au contraire ? ou bien n’a-t’il point esté
ny l’vn ny l’autre ? Si l’on considere le Parlement par
les particuliers en détail, il a bien plustost esté Mazarin
que Prince, parce qu’il y auoit plus de Mazarin
que de Princes : si l’on considere le Parlement
sous le titre de corps Souuerain, sans se reflechir au
particulier qui le compose, il a fort nagé entre deux
eaux. Au reste, ie pense qu’il n’a esté veritablement
ny Prince ny Mazarin.

Il est vray que le Parlement a bien choqué le party
Mazarin : mais il n’a pas assez fauorisé celuy des
Princes pour le rendre maistre de son competiteur.
Si le Parlement a choqué le Mazarin, c’est qu’on l’a
tant poussé qu’il n’a pû s’empescher de le heurter ;
s’il a fauorisé le party des Princes, c’est qu’on luy a
arraché ses faueurs :

Faut-il donc accuser le Parlement : nenny. Le
Parlement est auguste & venerable, mais il en est
beaucoup de ceux qui le composent, qui ne releuent
pas beaucoup son prix. I’ay le bon-heur de n’en
connoistre pas vn de ceux qui sont de cette estoffe :
pour recompenser ceux que ie connois, il faudroit