desseins contre la personne du Roy, contre
la sienne & contre l’Estat ; puis que le nombre
infini des biens que sa Maiesté luy auoit
faits, ne pouuoient pas en aucune façon temperer
l’exez de son ambition immoderée. Ains
au contraire, que cela ne faisoit qu’à l’esleuer
tousiours à quelque chose de plus grand afin
d’afoiblir par ce moyen là l’authoire Royale, &
mesme à l’induire à d’ébaucher tous ceux que
par gratitude ou par affection, s’estoient attachez
au seruice de sa Maiesté, sans que nulle
grace, nulle aplication, ny nulle confiance, le
peut rendre capable de mettre des bornes au
dereglement de son ambition demeusurée ;
iusques à luy faire entendre qu’il disoit qu’on
pouuoit tout faire pour regner, qui est vne maxime
de Sicilien tres pernicieuse, principalement
en la bouche d’vn Ecclesiastique comme
luy. Et tout cela ne se disoit que pour porter
la Reine à consentir à sa detention, pour recompenser
ce grand Prince du soin qu’il auoit
eu, & de la peine qu’il auoit prise de le faire ce
qu’il estoit, & de l’appuyer contre vn nombre
infini de personnes qui ne cherchoient qu’à le
perdre. Apres que ce grand Achile François
eut mis la France au plus haut point qu’elle eut
iamais esté, & qu’il n’eut pas fait moins de miracles
pour elle que d’actiõs heroiques, meritoit

Page précédent(e)

Page suivant(e)