Il peut luy seul tout émouuoir,
Tout Paris fera son deuoir
Pour faire à la troupe gagée
Manger de la vache enragée,
C’est vn Prince tout reuestu
D’honneur, de cœur & de vertu,
Le rejetton du plus grand Prince
Qui peut conseruer la Prouince,
Contre ces Monstres deuorans
La terreur des honnestes gens,
Sa volonté sera suiuie
Pour luy chacun perdront la vie,
Tout Paris suiura son destin,
Les vieux, les enfans du tetin,
Feront signes à leurs Nourrices
Voicy l’autel des bons auspices,
Monsieur de la Mothe Houdancour,
Qui mourra l’honneur de la Cour,
Le foudre de la Catalogne
Affin de luy rauir Cardonne,
Ne là il pas mis en prison
Sans cause, rime, ny raison,
Voulant que cette belle teste
Fut adioustée à sa conqueste,
Affin d’asseurer pour tousiours
Son vol, ses meilleures amours,
Qu’elle plus grande tyrannie
Cependant la troupe honnie,
N’a pensé qu’à son interrest
Qui n’a poinct passé par Arrest,
Et quelque grimace qu’il face
La chose a bien changé de face,
Et puis Messieurs les Generaux
Qui sont informée de nos maux,
Mettant la main à la Balance
En repoussant la violence,

Page précédent(e)

Page suivant(e)