Anactofile [signé] [1649], L’OYSEAV DE RIVIERE, OV LE TOVRNOY NAVAL. DEDIÉ AVX MARINIERS. , français, latinRéférence RIM : M0_2587. Cote locale : C_8_13.
XXIV.
Les Trompettes d’vn haut éclat Sembloient animer tout le monde ; Et réjoüissant l’air & l’onde, A nos Heros crioyent, Viuat : Les Hauts-bois d vne vilanelle, Leurs sonnerent vn boute-selle, Qui dit, Leuez-vous sur vos piez ; Gardez si bien vostre vaisselle, Qu’à faux iamais vous ne frappiez.
XXV.
Mars, ce Capitan, detestoit, Voyant des barques & des armes, Qui ne versoient ny sang, ny larmes, Et que sans playe on se battoit : Les Iousteurs sur le Camp liquide, Poussoient d’vn mouuement rapide, Au lieu de Cheual, vn Batteau ; Le choc n’y fut point homicide, Et rien n’y coula que de l’eau.
XXVI.
Ie voy ces fameux Champions, Qui quelque iour dedans l’Histoire, Feront litiere de la gloire, Des Renauts, & des Scipions : Si de beaux noms ie les baptise, Le Roman de leur vaillantise, Plus que la Cassandre au Palais, Croistroit-il pas la chalandise, Des Courbez, & des Rocolets ?
Anactofile [signé] [1649], L’OYSEAV DE RIVIERE, OV LE TOVRNOY NAVAL. DEDIÉ AVX MARINIERS. , français, latinRéférence RIM : M0_2587. Cote locale : C_8_13. |