Vaudémont, Charles de / Charles IV, duc de Lorraine [?] [1649], LA DECLARATION DV DVC CHARLES FAITE A NOSSEIGNEVRS DE PARLEMENT ET AVX BOVRGEOIS DE PARIS, EN FAVEVR DE LA FRANCE. , françaisRéférence RIM : M0_897. Cote locale : B_8_54.
Page précédent(e)

Page suivant(e)

-- 5 --

suffisant & fortifieray vostre party de quinze mil hommes
& plus s’il est besoin.

 

Ce Critique & malicieux Mazarin, a fait courir le
bruit (pour intimider les simples) que mon accord
de pacification, & remise dans mon bien, estoit moyennant
que mon armée se ioingneroit à ses armes
pour satisfaire plus facilement à sa rage & passion
contre ce fameux Parlement.

Non, non, ie veux que tout le monde sçache que
i’aimerois mieux auoir perdu cent Duchez, que d’en
posseder autant par vne lasche action comme celle-là,
ie serois bien priué du sens commun, si i’embrassois le
mauuais party de celuy qui est cause de la perte de
mon bien, & qui par ses mauuais conseils enuers le
Cardinal deffunt, a esté cause que ie ne m’ay pû reconcilier
auec le Roy deffunt, ce sont esté par les ruses
& intrigues de ce cauteleux estranger, qui ont diuerty
mon accord auec la France : il a des-vny l’amitié
que ie deuois auoir pour elle, & que ie deuois garder
inuiolablement, estant annexée par proximité auec
mon Duché, neantmoins ie n’ay aucun fiel pour elle,
& si elle a conceu quelque haïne contre moy, c’est vn
effet, qui ne peut proceder que de l’industrie de cét
ennemy, qui par de faux libels a fait courir le bruit
que i’auois violé mes promesses faites au Roy defunt,
tant s’en faut ce fut luy qui donna aduis au Cardinal
de Richelieu de n’effectuer sa parole : & ainsi Mazarin
a continué ses inuentions ordinaires pour nourrir, les
troubles & les guerres, en vn mot pour depoüiller
(ainsi qu’il a) la France de tout son bien & d’auoir le
reuenu du mien.

Page précédent(e)

Page suivant(e)


Vaudémont, Charles de / Charles IV, duc de Lorraine [?] [1649], LA DECLARATION DV DVC CHARLES FAITE A NOSSEIGNEVRS DE PARLEMENT ET AVX BOVRGEOIS DE PARIS, EN FAVEVR DE LA FRANCE. , françaisRéférence RIM : M0_897. Cote locale : B_8_54.