C’est le desdain qui me transporte,
Qui me fait parler de la sorte,
On dit fort ordinairement
Que c’est le deuoir d’vn amant
De reconnoistre sa maistresse,
Mais vous qui n’auez pas l’adresse
De vous contenir dans les loix,
Vous ne deuez pas faire choix,
D’vne personne trop puissante,
Pour vous confesser son amante,
Ie ne veux pas seruir d’espoux
A vne fille comme vous,
Ie ne veux pas que l’Hymenée
Vnisse nostre destinée :
Car s’il assembloit nos deux corps
I’en aurois tousiours du remords,
Souuenez vous que ie suis Prince,
Et que vostre estoffe est trop mince
Pour vous faire Princesse aussi,
N’en soyez donc point en souci,
Ie suis d’vne race Royale,
Vrayement vostre humeur martiale
Pourroit bien faire souspirer,
Comme vous faire desirer,
Du plus grand Sauetier du monde
Qui d’vne vertu sans seconde,

Page précédent(e)

Page suivant(e)