en espece ou lingots faits par ledit Mazarin hors du Royaume,
ensemble des leuées des Gens de Guerre, ausquels aucuns
Baillifs & Gouuerneurs ne pourront donner entrée, aide, ou
main-forte, sur pareille peine, A permis & permet aux Communes
de leur courir sus au son du toxin : Et a ladite Cour
enjoint à tous les Officiers de ce ressort de tenir la main à
l’execution du present Arrest, lequel elle ordonne d’estre
publié à son de trompe, & affiché par tout où besoin sera en
la maniere accoustumée, afin que personne n’en pretende
cause d’ignorance. FAIT à Rennes, en Parlement, le dix-huitiesme
Ianuier mil six cens quarante-neuf.

Signé, MONNERAYE.