tres-considerable ; Nous auons voulu rendre l’affection
que nous auons pour eux, compatible auec les
soins que nous estions obligez d’apporter pour la seureté
de nostre Royaume : ce qui nous a fait soigneusement
rechercher les causes & les autheurs de ces
aduis. Et enfin nous auons reconnu, qu’ils n’auoient
aucun fondement veritable ; mais que la malueillance
de leurs Ennemis, auoit donné lieu aux soubçons qu’on
nous auoit voulu faire prendre de leur conduite. Dequoy
estans bien informez, nous auons estimé, qu’vne
plus longue detention de nosdits Cousins, seroit
non seulement iniuste, mais aussi nous priueroit de
leurs seruices, & particulierement des assistances que
nous pouuons tirer de nostredit Cousin le Prince de
Condé, soit par ses Conseils en l’administration de
nos affaires, soit de son courage & de son experience
à la conduitte de nos Armées, ainsi que nous auons
fait cy-deuant en plusieurs occasions signalées depuis
nostre aduenement â la Couronne, où il a remporté
des victoires tres-glorieuses pour nous, & aduantageuses
à la France : Et qu’au contraire, la liberté que
nous leur accorderions, porteroit les Ennemis de cét
Estat, à consentir à la paix generale que nous auons
tousiours tant desirée, en leur faisant perdre les esperances
qu’ils auoient conçeues, que leur plus longue
detention nous engageroit à vne guerre Ciuile, de
laquelle ils tireroient des aduantages tres-considerables
pour continuer la guerre ; Ioint aussi que dans
vne affaire de ceste importance, nous auons eu esgard
aux tres-humbles supplications qui nous ont esté faites
par nostre Parlement. Par ces raisons & par

Page précédent(e)

Page suivant(e)