qu’indirectes pour opprimer l’vn, & perdre les
autres. Cette fatale histoire est en la bouche d’vn
chacun, mesme les enfans ont-ils attaint l’aage
de raison qu’ils sont imbus de ses malefices, aussi
ce cruel imdompté est le scandal d’vn chacun,
la pierre d’achoppement & le glaiue de la maudite
babilone. Dieu vous a susité Monseigneur
auec nos autres valeureux generaux, pour anneantir
cet infernal ennemi, & suprimer ses forces
qui ne sont qu’estrangers veu qu’il n’est qu’vn
l’ache comme ses actions le tesmoignent ; Il
faut confesser qu’il n’appartient qu’aux ames nobles
reuestues de la charité à faire des actes heroiques,
& de ne se laisser gaigner par des presents
ny corõpre par les promesses. C’est en ce sens que
vous vous estes rendu d’autant plus recõmandable
& digne de nos respects, & venerations que ce
monstre effroyable a presenté à decouuert des
dons qui ne sont capables de flater, que les ames
basses, & mercenaires afin de vous attirer à son
mal-heureux party, & vous faire complice de
ses iniustices. Mais touttes les promesses qui flattent
les sens des mondains, n’ont fait aucunne
impression sur vostre esprit, aussi il ny a que les
Corbeaux qui s’attachent à la terre, mais les aigles
s’esleuent au ciel pour contempler les astres
& receuoir leurs benignes influances : vous estes
le Soleil de la France Monseigneur puisque vous

Page précédent(e)

Page suivant(e)