s’il eut esté possible de leur faire violer le
serment qu’ils firent en sa presence au mois d’Octobre
dernier, il falloit quelque perte plus grande
que celle de tous leurs biens, & des coups plus
rudes que ceux des Canons de Monsieur le Comte
d’Harcour. Mais tout de bon, rien n’estoit
capable de les ébranler ; Le siege ne fut pas si-tost
posé deuant cette Ville, qu’il commença de se
bien porter ; Les Medecins de ce pays, bien informez
de la constitution & du bon temperament
des Assiegez, asseurerent deslors qu’il se leueroit
bien-tost. Et certes il ne falloit pas estre fort sçauant
pour faire ces pronostics ; Il n’y eut que Monsieur
le Comte d’Harcour de surpris en cette rencontre
par la lâcheté & perfidie de certains pretendus
Gentils hommes de ce Pays, qui en la même
façon de ce fameux impie, par l’embrasement
du Temple d’Ephese, fit parler de luy, iusques au
milieu des deserts, creurent s’immortaliser par vn
crime horrible de perfidie & de trahison contre
leur Patrie.

Ce memorable Siege se leua le neufiéme de ce
mois d’Aoust, apres deux mois entiers de maladie ;
il estoit composé de huict mil hommes, tant
Caualiers que Fantassins, qui se trouuerent le iour