François au seruice de vostre auguste Senat, ou les
Roys autrefois n’auoient accoustumé d’entrer que
pour deliberer (auec l’honorable Compagnie de
ceux qui le composoient) de quelques affaires importantes
à leurs Estats, cõme de declarer la guerre
aux ennemis de la Couronne, & c’est ou ie m’arreste,
que si toutefois il arriuoit que leur decision
choquasse les Loix, il estoit permis de leur dire
auec toute liberté que cela n’estoit pas iuste ; neantmoins
aujourd’huy nous voyons qu’vn Cardinal
sans authorité que celle qu’il emprunte, veut se parangonner
à vostre puissance, ipse sibi somnia fingit,
qui pis est desire vous regir à sa poste. Non,
non, Mazarin quelque tyran que tu te montre,
quelque sangsuë du peuple que tu sois, ton arrogance
ne sçauroit auoir d’estenduë pour mettre au
iour le tableau de tes vanitez, nostre Parlement
s’y oppose, inuito funere viuet tu as beau faire,
le cresus de cét auguste Senat s’oppose aux richesses
que tu as conuoitées, tes forces cedent à nos
Sansons ; bref toutes les ruses que ton esprit te
forme ne sont forgées que pour te seruir de pierre
d’achoppement ; à quoy bon repaistre ton imagination
de tant de friuoles, tu aurois beau estre vestu
des armes de Saül, tu ne peux vaincre sans paroistre
au combat, si tu t’y trouues tu te perds. Que
te sert-il donc malheureux de croupir dans ton venin,
tu tes figuré dans ton imagination de perdre
ce florissant Royaume ? nous cognoissons bien que

Page précédent(e)

Page suivant(e)