de corruption, [illisible] & bien
qu’il semble à plusieurs, que ce Poëte pour la loüer
a voulu representer son contraire : Comme ce sage
Legislateur pour recommander dauantage la sobrieté
à ses Citoyens, leur voulut faire voir vn infame
object d’vn banquet dissolu. Il est certain qu’on
ne peut mieux representer la Iustice que par l’or,
d’où Platon au troisiesme de sa Republique, ayant
dit que Dieu sur le poinct de la naissance des grands
personnages, & sur tout des hommes iustes & vertueux,
leur mesle de l’or pur dedans l’ame, ce qui fait
qu’ils n’ont point besoin de le porter au dehors & à
l’exterieur, puis qu’il est né auec eux, & qu’ils en sont
ornez & parez interieurement. Olympiodore expliquant
ce beau lieu de Platon a dit, que l’or que Dieu
mesle dans la generation des hommes, c’est la Iustice,
& comme il est le plus pur & le plus accomply des
corps elementaires, & la substance la mieux trauaillée
qui soit en la nature, laquelle se forme icy bas
dans le sein de la terre, par la force & la vigueur de
ce bel Astre du Ciel, & est appellé pour cela le Fils du
Soleil. Aussi la Iustice esclatte dans les Magistrats
comme vn ray on sacré de la Diuinité, & certes faut
bien qu’il y ait quelque chose de diuin, de voir que
les puissances se viennent aujourd’huy humilier deuant
eux, que les plus grands Princes apportent volontairement
à leurs pieds, leurs biens, leur honneur
& leurs vies, pour en disposer selon qu’ils iugent raisonnable.
Apres cela nous pouuons dire, que le plus
pretieux ornement des Estats, & dont ils puissent

Page précédent(e)

Page suivant(e)