& domestiques de la seuerité, auec laquelle le
Parlement a tousiours vangé la memoire de ceux que
l’on auoit iniustement suppliciez. Les anciens Registres
de la Cour font mention d’vn Arrest rendu en
1408. contre le Preuost de Paris ou son Lieutenant,
pour auoir condamné à mort, & fait executer deux
ieunes hommes, nonobstant les causes de recusation
par eux proposées, les parents en ayans poursuiuy l’apel
au Parlement, & les causes de recusation declarées
bonnes & valables. Arrest interuint, par lequel
il fut dit, qu’il auoit esté en tout & par tout mal &
nullement procedé, iugé & sententié : le Preuost de
Paris condemné à dependre les corps en personne,
& en les dependant les baiser à la bouche, & assister à
leur Conuoy. Digne Oracle d’vn Parlement, lequel
seul entre tous les autres, n’a iamais esté susceptible
de reproches, non pas mesme pour les parentez, il a
tousiours deposé toutes affections, iusques à celles
du sang. Ces viues Images, qui font des impressions
si douces & si agreables, qu’elles peuuent quelquesfois
nous diuertir insensiblement du droit chemin
de la verité ; neantmoins ce Senat Auguste s’est tousjours
maintenu en cette reputation, de ne deferer iamais
dans ses iugemens à aucune consideration particuliere,
& n’estre porté d’autre passion que de l’amour
de la Iustice. C’est ce qui fust representé au feu
Roy en l’année 1628. lors que Monsieur le Garde des
Seaux de Marillac, voulust faire difficulté d’expedier
des Lettres de prouision, à ceux qui auoient dans le
Parlement leurs peres, leurs freres, & autres parents,

Page précédent(e)

Page suivant(e)