destourner de leur teste, & tesmoigner par le soing de
l’esuiter, qu’ils ont eu commandement exprés de les
conseruer au milieu de tout vn monde perissant : qui se
sauuent d’vn embrasement, & qui trouuent leur salut
dans la tempeste, pour estre exposez dans la bonace à la
furie de leur desespoir ; qui s’arrachent d’entre les bras
d’vne vie glorieuse, pour se conseruer quelques moments
d’vne malheureuse vie, qui doit finir par vne
tragedie toute sanglante ; Croyez-vous ceux-là heureux
Messieurs, parce qu’estant jeusnes, ils ont esuité la
mort ? ou bien plustost ne les estimez-vous pas malheureux,
d’auoir conserué auec infamie, vne vie qu’ils
pouuoient perdre auec honneur ? Desabusons-nous
Messieurs, & n’estimons la vie que ce qu’elle vaut,
destrompons nostre esprit, espurons nostre imagination,
arrestons ses troubles ; & disons auec Seneque,
que ceux-là l’estiment qui ne la connoissent pas, car
personne ne la receuroit, si l’on ne la donnoit qu’à des
bons qui la connoissent. Voila ce me semble vne raisonnable
consolation, pour les mondains, mais voicy
vn grand subiet de consolation pour les Chrestiens.

Si-tost que le Duc DE COLIGNY, se sentit blessé, il
creut que le coup estoit mortel, & apres auoir dit quelques
paroles aux soldats pour leur donner courage,
d’acheuer glorieusement, ce qu’ils auoient si genereusement
commencé ; apres auoir entretenu quelques
momens ses amis & ses domestiques ; soit pour disposer
de ses affaires, soit pour exprimer la fidelité de son
affection ; il se resolut de destourner entierement toutes
les pensées du monde, pour employer le peu de