loüer. Ie sçay qu’il y en a beaucoup qui la treuuent
belle, quoy qu’ils n’en fassent pas leur
maistresse. Les Stoïciens ont creu qu’on ne pouuoit
estre heureux sans elle, & le plus bel esprit
de cette trouppe a dit que la vertu n’a point
d’autre prix que l’immortalité, puis que c’est elle
qui en quelque façon nous égalle aux Dieux.
Il n’y a rien icy bas qu’on puisse comparer à sa
durée, & c’est ce qui fit dire autrefois à vn ancien,
auec vne audace de vray Philosophe que
quoy que les Atheniens eussent abatu ses statuës,
qu’ils n’auoient demoly les vertus pour
lesquelles elles luy auoient dressées, & que malgré
eux il les conserueroit immortelles. Ce sentiment
genereux est du nombre de ceux qui
partent de ses grandes ames, qui ont tousiours
preferé la solidité de la vertu aux choses que le
vice met à si haut prix, ie sçay, Monseigneur,
que vostre esprit forme tous les iours de semblables
pensées, qui sont celles des Heros que
vostre valeur vous oblige de suiure. Ie pourrois
faire icy vn Eloge de ce que vous auez
acheué auec tant de succés pour le bien de ma
Patrie : mais il faut que ie confesse à ma honte

Page précédent(e)

Page suivant(e)