au desarmement, & au licenciement
des trouppes, ce qui rendra les chemins libres,
& ainsi le Roy pourra venir à Paris, où à Sainct
Germain ce qu’on ne croit estre auparauant,
d’autant qu’il n’y auroit aucune seureté pour
sa Majesté a sainct Germain en Laye, qui est
ce qui tient la Cour à Pontoise, & non l’armée
de Messieurs les Princes qu’on disoit l’auoir
inuestie, ce qui n’est point, n’ayant aucun ordre
de son Altesse Royale de ce faire, ny d’exercer
aucun acte d’hostilité durant le temps
de la Tréve, quoy que les soldats passent tousjours
par dessus les defenses qu’on leur faict, &
ne peut-on les empescher de voller & piller, la
licence estant trop grande parmy vne armée
composée de soldats estrangers, qui ne se tangent
pas volontiers par la discipline militaire à
laquelle ils ne sont pas accoustumez. Ce qui
faict que chacun faict ce qu’il peut pour oster
son bien hors des lieux par où cette armée
prend sa marche, & le faict porter aux villes ou
dans des chasteaux pour le sauuer, comme ils
ont continué & continuent depuis tantost huict
iours que cette armée decampe, & dont ils ont
esté aduertis par son Altesse Royale & par
Monsieur le Prince.

FIN.