venir aux mains causa plus de perte à son ennemy
que par vne bataille.

C’est vn acte de prudence qui ne peut estre
blasmée, c’est pour venir au subject de la Tréve
de dix iours, ou cessation d’armes, qui a esté
proposée par le Conseil Mazarin, lequel voyant
l’armée de Messieurs les Princes grossie de nouuelles
troupes venuës de Flandres, & le grand
nombre de Princes, Generaux d’armées, &
Capitaines experimentez, considerant qu’ils
n’auoient forces suffisantes pour leur opposer,
que le Mareschal de Turenne, quoy que décampé,
ne pouuoit pas les joindre auec le petit
nombre de gens de guerre qu’il a sauuez, à
cause des lieux qui sont occupez par l’armée
des Princes, & qui l’empesche de passer, & que
d ailleurs la petite armée du Mareschal de la
Ferté Seneterre, ne peut pas quitter ses postes
craignant le rencontre de la caualerie des princes,
qui se rend maistre de la campagne, ils se
sont aduisez de faire vne Tréve de dix iours,
pendant laquelle l’on pourra trauailler à la Paix,
ou bien le Party Mazarin pendant ce temps pretend
estre renforcé de nouuelles trouppes, que
le Cardinal Mazarin luy faict esperer luy enuoyer
en peu de temps, n’ayant pas encores
perdu l’enuie de reuenit en France, comme