D’estat & de condition,
A ma grande confusion,
Mais las ! d’estre sur mes genoux,
Et de regarder par ces trous :
Ie ne peus entendre le reste,
De son desolé manifeste,
Lequel y faisoit a part luy,
Contant sa chance a demy.
Mais mon cher Lecteur ie t’asseure,
Que si on l’auoit en peinture,
De la sorte que ie l’ay veu,
Tu en rirois comme vn perdu
Ie veux que le diable le berse
S’il n’estoit tout à la renuerse,
Puis il se couchoit estandu :
Mais crainte d’estre morfondu,
Il s’en alloit comme vne bosse
Et puis se donnoit des détorses,
Auec des efforts violens,
Roüillant les yeux grainçant les dents,
Auec ses estranges chimeres,
Il eut fait rire vn tas de pierres,
Et que fut-il desia party,
Que dedans l’Enfer englouty.
Bref il à beaufaire & beaudire,

Page précédent(e)

Page suivant(e)