faire prier comme fit ce grand Prophete Samuel
qui fut appelé de Dieu par trois fois.
Ne crains plus rien, tous tes ennemis sont en
déroute tu as r’emporté la Victoire, vient
maintenant reprendre tes possessions ? r’assemble
le reste de tes freres, afin qu’estant
tous vnis, vous resistiez genereusement à ces
esprits malins, qui ne respirent que vostre
enleuement : vous ne vous osiez monstrer
depuis six ans, & vous ne pouuiez si bien
vous cacher que vous ne soyez aussi tost descouuerts
par ces Diables deschainez, enuoyez
pour cette occasion par leur Maistre, qui pour
vous auoir emprisonné en trop grande quantité,
& vous auoir confié à ses meschans amis,
à maintenant tous les regrets imaginables de
vous auoir ainsi declaré la guerre.

Et ne vous estonnez pas, Iustes, de leur superbe,
s’ils vous osent attaquer, ils se sont bien
rebellez mesme contre leur Createur, le Iuste
des Iustes, ie veux dire le Roy des Roys.

Mais vous me direz que peu de temps auant
vostre bataille, ils auoyent emmenez tant de
prisonniers aux pays où l’on ne sçauoit ce que
c’estoit de Iuste, qu’ils ont esté contraints pour
les loger de bastir des chasteaux en Espagne ;