la receut immediatement de luy, se seruit
du ministere de Moyse, & éleua tellement
la nature de ce grand homme au dessus
d’elle mesme, qu’il pust voir au milieu des
foudres & des éclairs celuy dont le Nom
seul est terrible, & receuoir de ses mains
propres les Tables où ses saintes Ordonnances
estoient grauées.

C’est vne verité que personne ne peut reuoquer
en doute, que les Rois sont comme
autant de Dieux sur terre, & qu’encore qu’il
y ait rapport de nature entre eux & leurs
sujets, à raison toutefois de leur dignité & du
rang qu’ils tiennent ils ont quelque chose
qui les distingue & les met de beaucoup
au dessus du commun des hommes, d’où
nous ne deuons pas trouuer estrange s’ils
imitent en la pluspart de leurs actions celuy
dont ils sont icy bas l’image viuante, & si
lors qu ils veulent faire sçauoir leur volonté
ils se seruent du ministere de leurs Chanceliers,
ou de quelque personnage de merite,
plustost que de l’exprimer eux mesmes à
leurs peuples

Ie dis cecy pour empescher le murmure,
& dissiper la crainte de ceux qui sur vn oüy