cette meslée, & cependant on a laissé impunis
ceux qui deuoient liurer la Ville, & l’exposer à
la mercy de ceux qui remply ses enuirons de
meurtres, de sacrileges, & d’incendies.

Le Mareschal de l’Hospital & le Preuost des
Marchands estoient les chef de cette traison, ils
se sont retirez auec quelques autres de leur coujuration
& comme il est necessaire que la Ville
ait vn Gouuerneur & vn Preuost des Marchãds
son A. R. le Parlement & la Maison de Ville,
donnerent le Gouuernemẽt à Monsieur le Duc
de Beaufort, & la charge de Preuost des Marchands
à Monsieur de Broussel, qui presta le serment
de fidelité dans le Luxembourg, l’integrité
de ce Senateur condamne la Tyrannie
qui le nomme vn des plus obtinez partisans de la
rebellion selon le langage du Conseil Monsieur
de Broussel est vn traistre & le C. Mazarin est
vn homme de bien Mais qui le croyra l’Authorité
Royale, se trouuant opprimée par la Tyrannie
du C. Mazarin demeure en son entier en la
personne de son A. R. & puisque le Parlement
tient son authorité des l’establissement de la
Monarchie, personne ne peut reuoquer en
doute que le Conseil qui n’a esté estably que
par Tyrannie, ne peut en aucune façon ennuler
les Arrests d’vne Cour Souueraine donnés