que les plus Barbares eussent peu faire, & les
plus criminels eussent peu souffrir.

De la mesme sinceriré ou du mesme zele
pour le bien de la ville de Paris est emané. Les
Arrests du premier du courant, par lequel il est
declaré que sa Majesté void auec douleur que le
resultat du Conseil de Ville du 29. Iuillet dernier,
qui porte qu’il sera leué vne imposition sur les habitans
de ladite Ville, à raison de 7. liures pour
chaque porte Cochere 30. liures pour chaque moyenne,
& 15. liures pour chaque petite porte, est vne
suite des violences du massacre & de l’incendie armée
audit Hostel le 4. du mesme mois, & vn subtil
& pernicieux moyen pour engager lesdits habitans
à payer tous les iours de nouuelles taxes.

Ceux qui ont mis des impositions sur toutes
les necessitez de la vie ne peuuent souhaiter du
bien au Peuple que pour le luy rauir Sa Majesté
doit estre tellement asseuree de l’affection
de sa bonne Ville, qu’elle est preste à contribuer
tout ce quel a de force pour chasser l’ennemy
de l’Estat, & rendre sa Majesté paisible
dans son Royaume. Les troupes estrangeres
ont esté soldoyees iusques icy des deniers des
Princes, & ce n’a esté que pour obtenir la Paix
Generale, & pour s’opposer à la tyrannie du C.
M qu’en s’est seruy des Estrangers. On sçait les