Assemblées du Parlement & de l’Hostel de
ville de Paris, par ceux qu’il y entretient à gages
& à pension.

De maniere qu’au lieu d’entretenir sa Majesté
en la bonne volonté qu’elle tesmoigne auoir
de donner la Paix à son peuple, conformement
à la Declaratiõ de son Altesse Royale
& de Messieurs les Princes, & du Parlement
de Paris : ils font croire à sa Majesté, qu’ils
veulent nourrir, fomenter & cõtinuër le trouble,
& qu’ils ont fait venir vne armée estrangere
en France contre sa Majesté : ce qui est
directement contre leur intention, & les protestations
qu’ils ont tant de fois faicte & reïterées
de poser les armes lors qu’ils verront les
choses disposées à la Paix generale, & que le
Roy rejettera les meschans conseils qui interpretent
sinistrement leur bonne & sincere volonté.

Et pour mieux venir à chef de leurs dangereux
desseins, ils font tout ce qu’ils peuuent
pour éloigner le Roy loing de Paris, & le faire
aller à Amiens, ou à Tours, afin d’oster à son
Altesse Royale les moyens de sçauoir plus
commodemẽt & promptement la volonté de
sa Maiesté, & l’éluder sur les propositions &