se jetter de leur costé, l’ont confirmé dans
cette bonne pensée.

Ainsi il n’a plus craint de trahir son Roy, en tournant
ses armes victorieuses du costé de la France, puis
que c’est pour le seruir, & non pas pour luy nuire : Il a
doncques fait toutes ses diligences (en dégarnissant le
moins qu’il a pû les places) d’amasser des forces, il les
a enfin amassées au nombre de dix mille hommes, ou
plustost de dix mille Capitaines : Le voicy qui vient
Parisiens, & s’aduance,

Aussi tost apres auoir prononcé ces dernieres paroles
plus prompte qu’vn esclair qui perce la nuë, elle
fend l’air & vole du costé de S. Germain. Le peuple de
Paris ne l’a pas plûtost perduë des yeux, que repensans
à ce qu’elle leur vient de dire, il commence à jetter des
cris de joye de toutes parts : Chacun en particulier forme
mille belles esperances sur la certitude d’vn secours
si opportun & si important ; tous comptent combien
il y a qu’il est party, & combien il est auancé ; les vns,
s’imaginent qu’il peut auoir passe le Rhin ; les autres,
qu’il est desia bien auant en France, & quelques vns
ayans leurs opinions aussi promptes comme leurs
desirs, s’imaginent qu’il est desia arriué ; & au moindre
bruit qu’ils entendent par les ruës, croyent qu’on