quelques occasions, où le malheur & la necessité a fait douter iustement
de ma fidelité, & de mon courage : mais la derniere où j’ay
perdu la vie en defendant vn lieu que l’on auoit confié à ma garde,
& dont j’ay fait mon tombeau, a donné des preuues assez suffisantes
de l’vne & de l’autre ; & a fait voir clairement que le mauuais succez
de mes premieres actions, procedoit plustost des ordres que j’estois
obligé de suiure, que de la faute de l’execution.

CH. Helas que vostre sort est glorieux, & que le mien est déplorable !
vostre corps seruoit de bouclier à la France, pendant que
mon bras trauailloit à sa ruine, & vne mesme mort a sceu en mesme
temps recompenser vostre valeur, & punir ma temerité. Que vous
estes heureux, dis-je, vous, dont la perte est autant regrettée, que la
mienne est estimée iuste, & dont la memoire est aussi cherie, que la
mienne est odieuse. Mais pour ne pas tenir dauantage vostre esprit
en suspens, vous sçaurez que ie portois vn nom assez connu de la
France, tant pour l’antiquité de son origine, que pour les dignitez,
& les actions heroïques de ceux qui l’ont possedé : Mon pere le Mareschal
de Chastillon, qui receut pour ses seruices autant de loüanges
durant sa vie, que de regrets apres sa mort, me laissa seul de trois
enfans qu’il auoit, & mes premieres actions faisoient esperer que ie
ne degenererois pas à ce grand homme ; les emplois que vous auez
eu dans les armées, vous ont rendu tesmoin de quelques-vnes. Heureux
si suiuant aussi bien que vous vn Prince dans les combats pendant
que le iuste progrez de ses armes le rendoit victorieux des ennemis
de la France, ie l’eusse abandonné comme vous, lors que par
vn estrange aueuglement il les a tournées contre le sein de sa patrie.
mais helas ! si j’eus assez de force & de courage pour le suiure, ie n’en
eus pas assez pour le quitter : ce n’est pas que ie ne reconnusse assez
clairement l’injustice de son entreprise, & qu’il profanoit sa naissance
& sa gloire en se rendant l’instrument des passions d’vn Estranger,
qui n’a pour but que d’animer les Puissances de cet Estat l’vne
contre l’autre, pour estre spectateur de ce combat, & bastir sa grandeur
sur le débris de sa ruine. Mais ces connoissances estoient étouffées
par ce detestable vice, qui est l’idole des Courtisans ; vne lasche
flatterie me faisoit approuuer hautement ce que ie condamnois en
secret, & par vn malheureux attachement à la fortune de ce Prince,
ie suiuois ses mouuemens impetueux, & me rendois l’organe de ses
passions, & l’executeur de sa vengeance ; en fin le Ciel a chastié mes