qu’il auoit inuentée. Et par ainsi il croyoit les
porter à se couper la gorge les vns les autres,
pour n’auoir plus personnes à craindre.

Bref pour perdre à quelque pris que ce fut
ce grand prince qu’il auoit si fort offensé, &
duquel il craignoit estrangement la vangeance,
il fait entendre à la Reine qu’il auoit dessein
de mettre l’authorité Royale si bas pour y arriuer,
en sorte que leurs Maiestez ne fussent pas
en estat de l’en empescher quand il y en prendra
enuie. Que nuls dons ny nu les graces n’ont
pas esté capables de mettre des bornes à ses
ambitions dereglees, & qu à tout propos il menace
de se cantonner & de se mettre à la teste
de leurs ennemis,

Que ce n’est que pour cela qu’il s’empare des
plus fortes places de France, & qui tasche d’atirer
à son party, par dons ou par presens, tous
ceux qui le peuuent seruir en des entreprises si
pernicieuses. Qu’il faut necessairement le mettre
en lieu de seureté, ou se resoudre à voir tost
ou tard vsurper ses Estats, & peut estre à finir
ses iours par vne voye aussi deplorable que traque.

A des persuasions si fortes & si bien deguisées,
la Reyne y consent, & comme il eut gagné
l’esprit de cette Princesse, il tasche de gagner
& de surprendre celui de Monsieur le