de Champagne, mis en cette Ville par
le Duc d’Elbeuf luy serõt renuoyée.

Que ces 4. piece de canon appartenant
deux ausdits troupes, & deux à la Ville, seroit
remis aux proprietaires.

Que les habitans de la Ville seroit exempt
de payer tribut à l’Archiduc, & qu’il ioüiroit
paisiblement en leurs biens.

Cette article des habitans fut fort bien receu,
& accordé par l’Archiduc.

Mais comme les offre de la guerre ne seconde
point lors quel sont refusée, ce Duc
n’a point voulu leur accorder autre article,
que ceux qu’il a trouué à son pouuoir, & de
plus il n’estoit pas à propos qu’il leurs accorda
de la sorte, estant vnis auec Messieurs les
Princes sans leurs ordre.

C’est pourquoy il a enuoyé les principaux
Officiers à Bruxelles, & les autres, &
mesme les Soldats se sont rendus volontairement,
de porter les armes pour le Roy, sous
la conduite de Messieurs les Princes dont on
les verra en ces quartiers pendant peu de
iours. L’Archiduc Leopold ayant la ville de
Chaulny pour retraite, & y ayant laissé bonne
garnison, il a pris son chemin pour prendre