& à nos Princes, à leurs deliurance à
Sainct Denis en France, nous en donne vne
esperance certaine, dont vous en verrez les
particularitez à la fin de cette œuure.

Mais pour loüer son Altesse Royale &
Messieues les Princes de cette genereuse
action, il nous faudroit vn Panegyrique qui
contiendroit vn trop long discours, & de
plus chacun il n’y a point d’Escolié pour
leur donner ce qui leur est deub, chacun y
est Maistre, reuenons aux troupes de l’Archiduc
Leopold, qui depuis son depart de
Bruxeles, auoit fait aduancer ses troupes
vers sainct Quentin, & a esté contraint de
demeurer en ces quartiers quelque temps :
Mais voyant qu’il n’auoit point d’ordre de
son Altesse Reyale d’aduancer, au contraire
de demeurer, au sujet que l’on n’esperoit que
l’on concluroit la Paix, il a trouué à propos
de se saisir de la Ville de Chaulny, pour la
seureté de ses troupes.

C’est pourquoy il a commancé le Regiment
de Vitemberg,

Le regiment de Oüalons Caualerie, celuy
d’Infanterie pareillement.

Les vieux Regiment de Liege tant Caualerie
qu’Infanterie.