Anonyme [1652], CAPRICE SVR L’ESTAT PRESENT DE PARIS. STANCES. , françaisRéférence RIM : M0_626. Cote locale : B_20_41.
Il n’est pas iusques au Lorrain, Qui vit aux despens du bon homme, Qui n’ait mesme part au chagrin, Qui nous deuore & nous consomme.
Enfin Paris est si changé Qu’il semble n’estre plus soy-mesme, Et qu’il semblé s’estre rangé Dessous vn autre Diademe.
On n’y voit que des Witemberts, D’autres aussi brutaux & rudes, On s’égorge comme aux deserts Des plus horribles solitudes.
On ne voit plus dedans Paris Ces beautez iadis reuerées, Qui surpassoient par leurs esprits Les ames les plus éclairées.
On n’y voit plus cét abregé, Cest extraict d’esprit & de flame. Que la nature a partagé D’vne si noble & si belle ame.
Enfin on n’y voit rien de beau, On n’y voit rien que de funeste, Les plaisirs sont dans le tombeau, La douleur suruit & nous reste.
Ie t’escris de ce monument, Mon ame dans le dueil plongée, Et qui pour comble de tourment Renonce d’estre soulagée.
Car de trauailler à la Paix Par les intrigues de la Fronde, C’est vouloir auec des œufs frais Abbatre le Globe du monde.
FIN. | |||
| Page précédent(e)
|