Mazarin, lequel est celuy qui par ses pernicieux
desseins & mauuais conseils a iusques icy empesché
l’accord entre les deux Couronnes, i’ay voulu
vous tesmoigner, qu’estant vn des vassaux du Roy
Catholique, & partant son iusticiable, neantmoins
sa Majesté a remis entre les mains de vostre
Alt. tous ses interests, esperant que Dieu vous faira
la grace d’auoir la force comme vous auez la Iustice,
de poursuiure la punition de ses crimes.
Quelque aduantage que ie puisse esperer du desordre
de la guerre que ce Ministre a porté dans l’estat
de France, peut causer, neantmoins ie proteste
de ne rien entreprendre pendant tout ce trouble,
qui soit contre sa Majesté tres-Chrestienne.
Pour faciliter l’execution de vos bonnes & iustes
intentions, sa Majesté Catholique a aussi donné sa
parole Royale au Duc de Lorraine vostre beau-frere,
de ne faire aucun acte d’hostilité sur les terres
du Royaume de France pendant tout le temps
que vostre Alt. seroit occupée à chasser hors de
France ce pernicieux Ministre, lequel apres auoir
esté declaré criminel par sa Majesté Catholique il
y a longues années, a esté aussi condamné par Arrests
de plusieurs de vos Parlements, & par vne declaration
de sa Majesté tres-Chrestienne. Sa condamnation
doit estre estimée d’autant plus iuste
qu’elle a esté prononcée, & par la Iustice du Roy

Page précédent(e)

Page suivant(e)