Anonyme [1652], LA HECATOMBE PROPHETIQVE, OV LES CENT CENTVRIES DE DOMPEDRO OLOSO, GENTIL-HOMME VENITIEN, ASTROLOGVE DE LA REPVBLIQVE DE VENIZE. , françaisRéférence RIM : M0_1620. Cote locale : B_13_71.
Centurie.
Car nul ne peut marcher és voyes de iustice Qui porte sur son front escritte sa malice, Dautant que ceste Dame en punit le forfait, Et ne veut rien souffrir qui ne soit tout parfait.
Centurie.
Oüy vn chacun se croit de luy-mesme si sage, Que na besoing d’autruy d’auis ny de langages Pour faire ce quel veut & quel repensse en soy, Conforme au iustes vueil de lequitable loy.
Centurie.
Celuy la meurt cent fois veuf d’honneur & de ioye, Qui ne vit que pour estre à la douleur en proye, Car la mort n’est point mort ains la vefue douleur, Qui plus fort que la mort, poinçonne nostre cœur.
Centurie.
L’on se rid sort de ceux qui faute de prudense Ce qu’il ont entrepris, ne mettent en éuidense, Qui demeure sans cœur a poursuiure l’effait, Qu’ils auoient entrepris pour le rendre parfait.
Centurie.
Quiconque se resout de courir à la Parque, N’a plus soucy du mal qui en viuant l’ataque, Il ne songe qu’à l’heur qu’il esperent trouuer En ce remede heureux qui desire esprouuer.
Anonyme [1652], LA HECATOMBE PROPHETIQVE, OV LES CENT CENTVRIES DE DOMPEDRO OLOSO, GENTIL-HOMME VENITIEN, ASTROLOGVE DE LA REPVBLIQVE DE VENIZE. , françaisRéférence RIM : M0_1620. Cote locale : B_13_71. |
|||||