Anonyme [1652], LA GVERRE DES MENARDEAVX, OV LA FAMEVSE BATAILLE DE LA ruë neuue Saint Louys, donnée entre quelques brigades des Compagnies de la Milice de Paris, le 25. Iuin 1652. Auec l’Apologie des Vainqueurs, & l’Oraison funebre des morts. En Vers façon de Burlesques, par vn Disciple de Monsieur Scarron. , françaisRéférence RIM : M0_1524. Cote locale : B_14_8.
-- 11 --
Que Mazarin & sa Caballe
S’en iroit de Sedan à Basle ?
N’auez vous pas aussi proscrit
Ce traistre par maint grand escrit,
Promettant mainte & mainte liure
A qui l’empescheroit de viure ?
Il met vos Arrests sous le pié ?
Comment s’est il iustifié ?
Reduisant vos villes en cendre :
Vn autre ainsi se feroit pendre,
Si bien qu’il ne peut estre absous
Sans faire mal iuger de vous :
C’est ce qu’on dit parmy la ruë,
Le monde certes n’est plus gruë,
Et i’en connois d’assez hardis
Pour dire plus que ie ne dis,
Que si nous leurs laschions la bride
Nous verrions maint grand homicide.
Ie me ry de vos fins matois :
Mais fussiez vous plus fins cent fois,
Il faut que l’vnion s’acheue,
Ou mener tout le peuple en Greue,
Puis qu’autrement il iure Dieu,
Qu’il vous fera guerre en tout lieu.
Et ie vous veux de mesme aprẽdre,
Que ie ne suis homme à me rendre,
Et qu’on que Mazarin & moy
Ne nous trouuerons chez le Roy.
Anonyme [1652], LA GVERRE DES MENARDEAVX, OV LA FAMEVSE BATAILLE DE LA ruë neuue Saint Louys, donnée entre quelques brigades des Compagnies de la Milice de Paris, le 25. Iuin 1652. Auec l’Apologie des Vainqueurs, & l’Oraison funebre des morts. En Vers façon de Burlesques, par vn Disciple de Monsieur Scarron. , françaisRéférence RIM : M0_1524. Cote locale : B_14_8.
|