ce qui leur doit en contreschange des hommages
qu’ils luy doiuent, ayant besoin d’vne balance
pour peser leurs actions, & la regler iustement
en leurs differends, d’vn bandeau pour ne
regarder l’vn plustost que l’autre, & de l’espée
pour les defendre des actes d’hostilité, dont l’effort
ne peut estre repoussé que par la force aussi
necessaire à vn Souuerain, comme les deux
autres precedentes, pour ce que sans la Force
vn Prince ne peut regner, estant la seule vertu
qui luy fait mespriser les entreprises les plus
difficiles : Mais ces vertus, quoy que sublimes,
ne se conseruent & maintiennent que par la
Prudence qui est entre les autres vertus ce que
la veuë est entre les sens. C’est elle seule qui
importe le plus à vn Prince : car elle le fait recognoistre
comme l’Or, la Pierre de touche, attendu
quelle est seule qui doit guider les actions,
& sur laquelle elles se doiuent regler
comme les iustes [1 mot ill.] aux degrez du Soleil.

Or puis que nostre Monarque possede emidemment
[1 mot ill.] ces heroiques vertus ; il faut
esperer que voyant doresnauant à France tranquile
nous cueillerons les fruits d’vne amiable