bataille, ou de forcer les retranchemens
pour rauitailler la place, pour cet effet il prend
l’auangarde, il donne la bataille à commander
au Vicomte de Couple d’œufs, en l’arriere garde
au Marquis de Tisane : Bouillon voyant que
Rhuma ne vouloit point abandonner le retranchement,
donne teste baissee dedans, il passe
Couple-d’œufs suit, & la tissane apporte vn
grand rafraichissement à la place : quatre flegmes
espionnes qui auoient suiui le secours, furent
pris dans la poictrine, & furent des aussitost
iettees du haut en bas des murailles, apres
leur auoir donné la question, & qu’on eust sçeu
d’eux que Rhuma estoit bastard d’vn Rhumatisme,
& qu’il estoit resolu de mourir deuant
la place, ou de l’emporter : mais que si l’on
pouuoit gaigner le Comte de Cathare & le Marquis
de la fluxion, il faudroit necessairement
qu’il leuast le siege Pour cet effect l’on enuoya
en leur quartier le Colonel reiglisse, habillé en
curreden qui parla au Comre & au Marquis,
qui s’adoucirent. Vn peu apres on y enuoya le
Caporalles Tablettes vestu en muscadin, qui
trauaillerent tous deux fort adroittement sans

Page précédent(e)

Page suivant(e)